遲左

記得以前，中學階段，有一年無里頭覺得屋企要有聖誕樹，而且認為體積一定要夠大。


當時仍住粉嶺，老豆做農夫，農田左右有山有樹。



既然附近有，使鬼買，我當時想。



結果接近黃昏，周圍染起金黃，我拖拉著一棵約六尺的松樹回家，一隻手拿著斧頭。

後來媽還走去買燈飾佈置，其實她最信觀音王母之類，唔識耶穌。


老豆知道係耶誕樹，雖然覺得無謂，不過亦唔反對。



最終搞左一輪，聖誕燈閃閃下，老豆話都幾靚吖。

前幾年媽都有提起，話記得有一年12月屋企有棵大聖誕樹。



當然，當日一家都唔知，斬樹等於犯法。


亦幸好，從來我們家就只一年有聖誕樹。



早輪事忙，遲左。祝各友好、網友聖誕快樂！



＊圖為電影【FANNY AND ALEXANDER】，大師INGMAR BERGMAN經典作品 。